RÊWÎ / Xizan Şîlan

0
481 views

ez

rêwiyê rêya şevistanên esmer im

li ser heft parzemînan

bi gavên qerimî dimîm

min

çavên xwe li dinyaya fanî

digerand

li Afrika xwîn diherikî

li Asya jan dibarî

li Ewropa

hesp rakiribûn çargavan

li Amerika jehr dipijiqî

li Awistralya

ketibûn xewa tiraliyê

di tûrikên milên min de

nameyên aştiyê

yek nameya şevçira berxwedanê

yek nameya serbestiya ramanê

yek nameya ala rizgariyê

yek nameya agirê hêviyê

yek nameya bêhna kulîlkên biharê

yek nameya pêlên bayê rûmetê

û yek nameya

xemla mizgîniya serxwebûnê

min

sînor ji holê radikirin

tovên aramî û bextewariyê

li ser qefesa ekvatorê

direşand

bafiroka xoşewîstiyê

li asîmanê sayî difirand

dîwarê reştariyê diqelişand

êşa birîna dayikên kezebşewitî

bi tîrêjên stêrka berbangê

dikewand

zencîra bindestiyê diqetand

hevîrê demên rezîl

bi ramûsanên keçên bedew

distirihand

keziyên jiyanê

bi bêhna qurnefîlan

dihûnand

ava dostaniyê li baxê hezkirinê

diherikand

jiyaneke xweş û wekhevî

li mirovan dibexişand

wîçewîça çûkan

strana eşqa dilê evîndaran

dilorand

û min

di dilşabûna rojên xwe de

meya kêfxweşiyê

dint

li dor hestên baweriyê

semaha serxweşiyê

min digerand

Xizan Șîlan

2019-04-19

Stockholm

0 0 votes
Article Rating
TEILEN
Önceki İçerikBASINA VE KAMUOYUNA
Sonraki İçerikHENÎ NENA / Esîn Akgûl
Armanc, li nasname û çanda xwe xwedi derketin û dane jîyandin e. Kurdên Anatoliya Navîn dixwazin xwe bi rêxistin bikin û bibin xwedî sazî û dezgeh.
Subscribe
Bildir
guest
0 Yorum
Inline Feedbacks
View all comments